Euskadi Europako erreferente gisa kokatzen da osasunean aplikatutako Adimen Artifizialaren garapen seguru, etiko eta arautuaren arloan
Bilbo, 2025eko abenduak 23
Basque Artifizial Intelligence Center (BAIC) eta Basque Health Cluster (BHC) zentroek TRUST-OSAI jarri dute martxan. Proiektu estrategiko horren helburua da osasun-arloko Adimen Artifizialeko soluzioak garaiz baliozkotzea, segurtasuna, datuaren babesa eta araudiaren betetzea bermatuz diseinuaren hasierako faseetatik.
Eusko Jaurlaritzaren ELKARTEK 2025 programaren baitan kokatzen den proiektu honek biosanitario sektoreko erronka nagusietako bati erantzuten dio: AA duten produktu sanitarioen merkaturatzea bizkortzea, Europako araudi-eskakizunak arriskuan jarri gabe, hala nola Produktu Sanitarioen Erregelamendua (RDM), Adimen Artifizialaren Europako Erregelamendua (AI Act) eta Datuak Babesteko Erregelamendu Orokorra (DBEO/RGPD).
TRUST-OSAI proiektua berrikuntza moteltzen duten oztopo arautzaileak murrizteko asmoz sortu da, bereziki ETE eta startupen kasuan, ezagutza-plataforma eta baliozkotze goiztiarrerako ingurune baten bidez. Ingurune horrek aukera emango die enpresei, zentro teknologikoei eta ikerketa-agenteei beren garapenak baldintza kontrolatuetan eta indarrean dagoen araudiarekin lerrokatuta testatzeko.
Proiektuaren emaitza nagusien artean daude toolkit arautzaileen, gida metodologikoen, autodiagnostikorako eskemen garapena, baita sandbox arautzaile baten pilotuaren diseinua ere. Horrez gain, AA oinarritutako plataforma digital bat garatuko da, osasunaren eta Adimen Artifizialaren euskal ekosistemarentzat erreferentzia-gune gisa jardungo duena. Tresna horiek aukera emango dute proiektuak ikerketa-fase goiztiarretatik (TRL 3–5) merkaturatze- eta ezarpen-fase aurreratuetara (TRL 8–9) laguntzeko.
TRUST-OSAI proiektuari esker, Euskadik sendotu egiten du osasunean aplikatutako AAren berrikuntza arduratsuan erreferentziazko lurralde gisa duen posizionamendua, Europako etorkizuneko araudi-esparruetara aurreratuz eta bere industria-ehunarentzat abantaila lehiakor argia sortuz. Gainera, proiektuak eredua beste sektore estrategiko batzuetara eskalatzeko aukera irekitzen du, hala nola industria, energia edo mugikortasuna, Adimen Artifizialaren erabileran antzeko erronka arautzaileak partekatzen dituzten sektoreetara.
